Novidades

Publicado em

Atibaia atendas vin oktobre!

La estraro de EASP ĝoje informas ke la aliĝilo por la 12-a Esperanto-Kongreso de la Ŝtato San-Paŭlo jam estas disponebla en la retejo de la asocio.

La evento okazos inter la tagoj 12-a kaj 14-a de oktobro en la urbo Atibaia, situanta je ĉirkaŭ unu horo kaj duono de la ĉefurbo San-Paŭlo.

La kongresaj aktivecoj disvolviĝos en la bela kaj moderna “Centro de Convenções Victor Brecheret”, kie laŭlonge de la jaro okazas la plej gravaj kultutaj eventoj de la urbo. Adreso de la kongresejo: Alameda Lucas Nogueira Garcez, 511 – Parque das Águas.

Perfekta loko por ke esperantistoj, lernantoj, aktivuloj kaj ankaŭ simpatiantoj de la internacia lingvo ĝuu tri tagojn plenajn je kulturaj, klerigaj kaj distraj aranĝoj.

Ĉu vi ŝatus engaĝiĝi en la programon de la evento? Sendu do vian proponon por prelego (45min), prelegeto (15min) aŭ metiaranĝo al < informado [ĉe] easp [punkto] org [punkto] br > aŭ al la loka organizanto Audino Rashi < audinorashi [ĉe] gmail [punkto] com >.

Publicado em

EASP havas novan estraron

Fine de februaro 18 asocianoj vizitis la sidejon de EASP por ĉeesti la ĉi-jaran elekto-asembleon. En la okazo, la kunsidantoj aprobis la jarraporton de la adiaŭanta estraro kaj bondeziris al la unika nomaro prezentita, kiu konsistas el la jenaj membroj:

Estraro
Prezidanto: Genildo Martins Coelho
Vicprezidanto: Marcos Zlotovich
Unua Sekretariino: Anna Lobo de Carvalho
Dua Sekretariino: Sidnéa da Conceição Beall
Unua Kasisto: José Roberto Tenorio
Dua Kasistino: Neide Aparecida de Freitas
Propaganda Direktorino: Cristina Claudia Graaf

Konsilantoj
Aparecida de Sousa Araújo
Audino Castelo Branco
Paulo Sérgio Viana

Anstataŭantoj
José Mauro Progiante
José Martins Coelho

Kopio de la jarraporto estis disdonita al ĉiuj ĉeestantoj kaj poste sendita al la membroj kiuj ne povis ĉeesti la asembleon. Se vi havos iun demandon al la nova estraro, ne hezitu skribi al < contato ĉe easp punkto org punkto br >

Publicado em

Plia ateliero de Esperanto

Legio de Bona Volo (LBV) partnere kun Esperanto-Asocio de San-Paŭlo EASP) okazigis plian atelieron de Esperanto senpage alireblan al ĉiuj interesatoj konatiĝi kun la lingvo.

La ĉi-jara ateliero okazis en la Socihelpa Komunuma Centro de LBV, la 23-an de februaro, kun la ĉeesto de kvindeko da vizitantoj kaj gelernantoj de la Edukejo Paiva Netto.

La ateliero konsistis el enkonduka prelego pri la estiĝo de la lingvo kaj ĝia rolo en la mondo, fare de Wilian Gomes, estro de la instrufako de EASP, kaj el provleciono gvidata de la estrano José R. Tenorio. Krome, ĉi-jare vizitis la atelieron la rumanino Manuela Burghelea, kiu prelegetis pri sia lando, pri siaj vokaĝoj alilande kaj konatiĝo kun Esperanto, unu el diversaj lingvoj parolataj de ŝi.

La partoprenantoj estis regalataj per bongusta lunĉo kaj en la fino ĉiuj ricevis atestilon kaj inviton viziti ĉeestan kurson en la sidejo de EASP.

Matene Manuela kaj du direktorinoj de EASP, Anna Lobo kaj Sidnea Bell, akompane de anoj de LBV, vizitis la Edukejon Bona Volo, kie estas aplikataj la Pedagogioj de Amo kaj de la Ekumena Civitanoj, ambaŭ kreitaj de la nuna gvidanto de la Institucio, Paiva Netto.

Publicado em

La Lampiro 149

La februara numero de La Lampiro jam estas disponebla por elŝuto.

La estraro de EASP, kunsidinta en la pasinta januaro, decidis ke la organo de la asocio ekde de la kuranta jaro estos rete dissendita nur al la anoj de EASP.

En 2019, kiam la jarkolekto 2018 de la revuo estos presita, la reta versio de la kolekto 2018 estos liberigita por la vasta publiko.

Ĉi tiu numero ankoraŭ estos dissendata ankaŭ al ne asocianoj kiel specimeno por ke legantoj decidu ĉu ili membriĝu al la asocio por antaŭlegi la revuon aŭ prefere atendu unu jaron por elŝuti senpage la tutan jarkolekton.

Bonan legadon kaj ĝis la sekva numero aŭ ĝis la kompletigo de la jarkolekto 2018!

Publicado em

Convocação

ASSEMBLEIA GERAL ORDINÁRIA DE 2018

Prezado(a) Associado(a),

Convocamos os membros da ASSOCIAÇÃO PAULISTA DE ESPERANTO para se reunirem em Assembleia Geral Ordinária a realizar-se dia 24 de fevereiro de 2018 em sua sede social, às 15 h, em primeira chamada com a presença de 2/3 dos associados ou uma hora depois, em segunda chamada, com qualquer número de associados a fim de tratarem da seguinte

ORDEM DO DIA:

  1. Leitura da ata da última assembleia;
  2. Apresentação do Relatório Anual de Atividades, referente aos meses de janeiro a dezembro de 2017, para sua aprovação ou rejeição;
  3. Eleição e posse da nova diretoria para o mandato 2018-2019, conforme chapa anunciada abaixo;
  4. Assuntos diversos.

Diretoria:
Presidente, Genildo Martins Coelho;
Vice-presidente, Marcos Zlotovich;
Primeira Secretária, Anna Lobo de Carvalho;
Segunda Secretária, Sidnéa da Conceição Beall;
Primeiro Tesoureiro, José Roberto Tenorio da Silva;
Segunda Tesoureira, Neide Aparecida de Freitas;
Diretora de Propaganda, Cristina Cláudia de Graaf.

Conselho Fiscal:
Aparecida de Sousa Araújo, Audino Castelo Branco, Paulo Sérgio Viana.

Suplentes:
José Mauro Progiante, José Martins Coelho.