La nuna numero de La Lampiro atingas vin iom malfrue kaj iom ŝanĝita.
Ni pardonpetas pro la malfruo kaj esperas ke vi ŝatos la novaĵojn.
La nuna estraro kaj la redaktoro ekentreprenas kelkajn eksperimentojn en la revuo kaj invitas vin akompani la ŝanĝojn per viaj komentoj kaj sugestoj.
La unua ŝanĝo rilatas al ĝia grafikaspekto, sub la respondeco de nova kunlaboranto, la irana fasonisto Sajjad Dashti Nezhad (Saĝad). La estraro tre bonvenigas la novan kunlaboranton kaj esperas ke la kunlaboro longe daŭros. La dua ŝanĝo, pli profunda, rilatas al la enhavo mem de la revuo. Tio tamen devos okazi nur post la kompletigo de la kuranta jarkolekto, alidire, ekde la venonta jaro.
La Lampiro estas dissendita al la membroj de la asocio.
Brazilo pluan fojon aperas en la listo de premiitoj en la Belartaj Konkursoj de UEA, kies premio-sesio ĉi-jare okazis en Lisbono, Portugalio, kadre de la 103-a Universala Kongreso de Esperanto.
Esperanto-Asocio de San-Paŭlo partneriĝis kun eldonejo Esprima kaj fariĝis ties unua reprezentanto kaj diskoniganto de la eldona projekto “Nia Juvelaro”, lanĉita dum la 53-a Brazila Kongreso de Esperanto okazinta en Kuritibo la pasintan monaton.
