De la 12-a ĝis la 14-a de oktobro 2018 okazis en la urbo Ataibaia, en ŝtato San-Paŭlo, la 12-a Ŝtata Kongreso de Esperanto. Enskribiĝis 85 homoj (inter ili du gekubanoj), kiuj dum tri tagoj kunsidis en komforta Centro de Eventoj, meze de belega, arboriĉa Parko de Akvoj.
La programo estis tre varia je prelegoj (30-minutaj) kaj prelegetoj (15-minutaj). Oni parolis pri Esperanto kaj Duolingo, Muziko en Matematiko, Universala Kongreso en Lisbono, Dimensioj en la Universo, Anarkiismo kaj Esperanto, Historio de Brazilo, Genealogio, Poezio, Veganismo, ILEI, Aktivado por EASP, Pseŭdoreligioj.
Krome, okazis rapida kurso de Esperanto, paroligaj kunsidoj por komencantoj, arta vespero kaj Intervjuo kun veteranoj (“Viva Gazeto”). Dum la tuta kongreso funkciis sufiĉe ampleksa libroservo. En la kongreso oni lanĉis kvar novajn librojn, iniciate de Esperanto-Asocio de San-Paŭlo kaj de la nova brazila eldonejo Esprima.
Unu el la plej kuriozaj detaloj en la kongreso estis la komuna foto. Kongresanoj staris sur placo kaj formis grandan kvinpintan stelon, kiun de la ĉielo fotis kaj filmis flugroboto.
Entute plene sukcesa congresso!
(Raportis: Paulo S. Viana)
La gasto de la septembra kulturkunveno estas la direktoro kaj unu el la kursgvidantoj de la Eduka kaj Kultura departemento de EASP, Wilian Gomes, kiu prezentos la atingojn kaj novaĵojn de tiu departemento.
La nuna numero de La Lampiro atingas vin iom malfrue kaj iom ŝanĝita.
Brazilo pluan fojon aperas en la listo de premiitoj en la Belartaj Konkursoj de UEA, kies premio-sesio ĉi-jare okazis en Lisbono, Portugalio, kadre de la 103-a Universala Kongreso de Esperanto.
Esperanto-Asocio de San-Paŭlo partneriĝis kun eldonejo Esprima kaj fariĝis ties unua reprezentanto kaj diskoniganto de la eldona projekto “Nia Juvelaro”, lanĉita dum la 53-a Brazila Kongreso de Esperanto okazinta en Kuritibo la pasintan monaton.
