Septembra kulturkunveno

La gasto de la septembra kulturkunveno estas la direktoro kaj unu el la kursgvidantoj de la Eduka kaj Kultura departemento de EASP, Wilian Gomes, kiu prezentos la atingojn kaj novaĵojn de tiu departemento.

Li ankaŭ prezentos la nunan skipon de la departemento kaj lanĉos alvokon al novaj volontuloj por la jaro 2019.

Demandite pri sia prezento, li skribis: “La nuna Eduka kaj Kultura departamento de EASP ĵus unujariĝis kaj ni tre feliĉe volas kundividi kun ĉiuj niaj estimataj asocianoj kaj la tuta publiko tion, kion ni jam faris, tion kion ni estas nuntempe farantaj kaj ĉion (multon!) kio ankoraŭ farendas.”

La kultura kunveno okazos la 29-an de septembro , ekde 17h, en la sidejo de Esperanto-Asocio de San-Paŭlo situanta en la strato Faustolo, 124 – kvartalo Água Branca (Lapa).

Eniro senpaga.

Deixe uma resposta

O seu endereço de e-mail não será publicado. Campos obrigatórios são marcados com *