Dua
bulteno 8a
Esperanta Kongreso de la Ŝtato San-Paŭlo Ararakŭaro:
18
- 19 oktobro 2014
La
organizantoj de la 8a Esperanta Kongreso de la Ŝtato San-Paŭlo,
okazonta oktobre en Ararakŭaro, plezure informas ke la kongresa retejo
jam estas vizitebla per la ligilo <easp.org.br/araraquara>.
En la retejo jam estas disponeblaj abundo da informoj pri gastado,
resuma prezento pri la kongresejo, video kaj kelkaj fotoj pri la
gasturbo, listo de antaŭaj aranĝoj, kaj aliĝilo, interalie.
La
reta aliĝilo estas facile plenumebla, kaj ankaŭ la pago, precipe se
la aliĝinto elektas la opcion PagSeguro.
Danke al la kompleza pruntuzo de la kongresejo, la estraro,
interkonsente kun la lokaj organizantoj, decidis pluan fojon konservi
la kongresajn kotizojn simbolaj: R$ 30,00 por ne membroj de EASP; R$
20,00 por membroj de EASP; R$ 15,00 por akompanantoj kaj gejunuloj (ĝis
30 jaroj). Infanoj ĝis 12 jaroj ne pagos kotizon.
Por vizitu la retejon musklaku sur
la supra bildo.
Sentu kaj ekĝuu
la etoson de la oktobra kongreso...
kaj ne forgesu aliĝi!
Ararakŭaro
nokte
Historia Muzeo
SESC-fasado
Antaŭkorto de SESC
La
gasturbo kaj la kongresejo
Ararakŭaro havas ĉirkaŭ 205 mil
loĝantojn, kiuj ĉi-aŭguste memorfestas la 197 fonddatrevenon de la
urbo. Ĝia hotelaro disponigas pli ol 2500 gastlokojn al la vizitantoj,
kiuj
kongrese, turisme, labore aŭ stude venas al la urbo. En la kongresa
retejo estas indikoj kaj informoj pri deko da hoteloj plus
sugesto pri
tri etkostaj hoteloj, kiuj povos utili kiel amasloĝejo precipe por
gejunuloj.
La kongreso disvolviĝos en la Sociala Komerca Servo (SESC), ideala loko
por okazigo de tiaj kulturaj kaj klerigaj aranĝoj. Dum la du kongresaj
tagoj, paralele okazos aliaj internaj aktivadoj de SESC, tiel ke
akompanantoj de kongresanoj povos ĝui la kongresejon laŭ siaj
preferoj. La kongresejo situas je ĉirkaŭ 3 kilometroj for de la
urbocentro ĉe strato Castro Alves, 1315 en la kvartalo Quitandinha.
