Reta informilo de Esperanto-Asocio de San-Paŭlo n-ro 154 30/07/2015
Kun
bedaŭro ni informas pri la forpaso de la s-ano Arnaldo Alves de
Oliveira (72-jara), okazinta la 27an de julio 2015. Kancero estis la
kaŭzo de lia morto.
Li estis ŝtata skriboficisto kaj de pluraj jardekoj volontule agadis kadre de socialaj servoj en la spiritisma movado.
Entuziasmiĝinta ankaŭ pri la esperanta movado, li gvidis kurson de
Esperanto en pluraj kvartaloj de la ĉefurbo San-Paŭlo. Lastatempe li
estis prezidanto de Esperanta Klubo Zamenhof (en la kvartalo São Miguel
Paulista), de EGABEM (kvartalo Penha), de E-Grupo Verda Lumo (kvartalo
Santana) kaj vicprezidanto de Esperanto-Asocio de San-Paŭlo (EASP), al
kiu li membriĝis en la jaro 2006.
Ni kunfunebras kaj solidaras al la familianoj kaj amikoj.
La estraro de EASP
Se ial la bildoj ne aperas, musklaku ĉi tie. Por malaboni la kurieron, bonvolu informi nin.