Reta informilo de Esperanto-Asocio de San-Paŭlo n-ro 151 05/03/2015
La pasintan 28an de februaro, 11 membroj vizitis la sidejon de
Esperanto-Asocio de San-Paŭlo por ĉeesti la ĉiujaran ĝeneralan
asembleon.
Se oni malkonsideru kelkajn ĉeestantajn anojn de la
estraro, kiuj mem kunvokis la asembleon, efektive nur sep membroj
respondis la kunvokon. Eble tiu estis la plej malmultekapa asembleo en
la historio de la asocio.
Trarigarde al la sliparo de la membroj, konstateblas ke pli ol 50% el
ili ne loĝas en la ĉefurbo San-Paŭlo. La demando kiu kaŝiĝas en tiu
malĉeesto estas: se pli ol duono de la membroj sukcesas rilati kun la
Asocio de malproksime, ĉu tiuj malproksimuloj ne rajtas esti
konsultataj, ankau de malproksime, pri gravaj demandoj pri ĝia
mastrumado?
Eble venis la momento
rekonsideri la manieron kiel asemblee konsulti la anojn pri aferoj
rilatantaj al la Asocio, en mondo plena je rimedoj por faciligi la
plenumon de tiaj administraj procedoj.
Dum vi pretigas viajn
komentojn por sendi al ni, jen ni invitas vin trarigardi la raporton pri
la pasintjaraj aktivecoj de EASP elŝuteblan ĉi tie.
Presita broŝureto de la jarraporto estos sendita al la membroj kiuj ĝin petos.
Kompleta
financa jarraporto, pretigita de la librotenisto (vidu foton sube),
troviĝas en la Asocio por loka konsulto aŭ skanado, laŭ peto.
Se vi havas iun demandon pri la financa raporto, nia kasistino plezure respondos ĝin.
Atende al viaj komentoj kaj sugestoj,
La estraro.
Se ial la bildoj ne aperas, musklaku ĉi tie. Por malaboni la kurieron, bonvolu informi nin.