Reta informilo de Esperanto-Asocio de San-Paŭlo n-ro 139 24/10/2014
La 27an de septembro (lastan sabaton de la monato) okazis plia
filmokunveno en la sidejo de EASP. Ĉi-foje oni spektis la animacian
filmon Falanta Arto (2004), de la pola direktisto kaj produktisto Tomasz
Bagiński, naskiĝinta en Bjalistoko, en 1976.
Post spektado,
sekvis interesa diskuto pri la mesaĝo de la filmo, kiun spektantoj
komence trovas amuza, sed iom post iom malkovriĝas io makabra en ŝajne
distra historio.
La 6-minuta filmeto rakontas pri iu forlasita
militbazo, ie en Pacifiko, kien soldatoj, perdintaj sian prudenton pro
harditeco de milito, estas senditaj por kompletigi unu lastan mision.
Tie,
malproksime de la civiliza mondo, iliaj mensmalsanoj gvidas kaj
reguligas ilian kunvivadon. Serĝento Al kultivas sian amon al la kuraĝaj
soldatoj. Doktoro Friedrich kultivas sian talenton pri fotado. Kaj la
maljuna mense krevinta Generalo A kreas sian artaĵon. Li tamen uzas nek
paperon nek tolaĵon, sed provas ion tute malsaman...
Malkovru mem per spektado de la filmeto ĉi tie.
Ĉu
vi ŝatis la pensigan filmeton? Plia filmkunveno atendas vin la
proksiman sabaton (la 25an de oktobro), je la 16h30min, en la sidejo de
EASP situanta ĉe strato Faustolo, 124 - en la kvartalo Lapa.
Se ial la bildoj ne aperas, musklaku ĉi tie. Por malaboni la kurieron, bonvolu informi nin.