Reta informilo de Esperanto-Asocio de San-Paŭlo n-ro 124 21/05/2014
Freŝdate la esperantisto Alex Cesário
regalis nin per sendo de du raportoj pri prezentado de la lingvo
internacia al neesperantista publiko. Por la unua prezento, li aranĝis
ekspozicion pri Esperanto dum la 3-taga evento KONRESPI/2014 (Regiona
Interfratiĝo de Spiristima Familio) okazinta komence de marto en lia
urbo Ararakŭaro, ŝtatinterno de Sanpaŭlo, en kiu partoprenis ĉirkaŭ
tricent personoj. La kompleta raporto legeblas en lia blogo.Por la dua prezento, li veturis al la apuda urbo Sankarlo por prelegi pri la temo "Internacia Komunikado, Lingva Demokrateco kaj Libera Programaro" kadre de la evento FLISOL/2014 (Latinamerika Festivalo pri Instalado de Libera Programaro), okazinta en la sidejo de la Sociala Servo por Komercistoj (SESC) de tiu urbo.
FLISOL estas la plej granda neprofita evento por diskonigado de libera programaro en Latinameriko. Ĝi okazas ĉiujare en la kvara sabato de aprilo samtempe en pluraj urboj de tiu kontinento. La kompleta raporto legeblas en lia blogo.
La
Kultura Instituto Lourenço Castanho (ICLOC) invitas instruistojn kaj
edukistojn el la tuta lando partopreni sian 6an Kongreson pri Enklasaj
Praktikoj, kiu okazos la 31an de majo 2014 en la tereno de la fakultato
FECAP situanta ĉe avenuo Liberdade, 532 - en la urbo Sanpaŭlo.
En la okazo estos prezentataj 488 laboraĵoj, el kiuj du temos pri la
lingvo internacia Esperanto. La esperantaj prelegantoj estos la
studento pri Beletro, Osmar da Silva Alves, kiu parolos pri "Esperanto
kaj ĝia kontribuo por lingvo-instruado" kadre de la sesio n-ro 125 sub
gvido de la edukistino Tatiana Albergária A. Ricardo; kaj la
instruistino Maria Ester Batista, kiu parolos pri "Esperanto en la
Lernejo", kadre de la sesio n-ro 157 sub gvido de la edukistino Clara
Aparecida B. Ribeiro Haddad.
La aliĝo estas senpaga kaj al la partoprenintoj la Instituto poste
sendos elektronikan atestilon. Pliaj informoj pri tiu eduka evento
legeblas per la retligilo <icloc.org.br/congressoicloc>.
La prelegantoj
 |
 |
| Osmar da Silva Alves |
Maria Ester Batista |
Se ial la bildoj ne aperas, musklaku ĉi tie. Por malaboni la kurieron, bonvolu informi nin.