Reta informilo de Esperanto-Asocio de San-Paŭlo n-ro 122 24/04/2014
Por la ĉi-monata kulturkunveno de EASP estas programitaj du aktivadoj:
unu filmo-kunsido kaj unu diskutrondo. Paroliga filmo (de la 16a ĝis la 17a horo)
La filmo-kunsido konsistos el spektado de retfilmeto kun posta
esploro de la prezentita temo cele paroligi la spektantaron. Per tiu
nova aktivado, pli alloga kaj amuze pens-instiga, oni anstataŭigas la
iaman paroligan rondon celantan precipe kursanojn.
Diskutrondo (de la 17a ĝis la 18a horo)
Por kio utilas laborplano? Per tiu kunveno oni
proponas serion da diskutrondoj, ĉiun lastan sabaton de la monatoj
aprilo, majo kaj junio, por aparte pritrakti la Strategian Laborplanon
skizitan de UEA. Ĉu temas pri dokumento kun gvidlinioj nur por
aktivuloj de UEA aŭ por ĉiaspecaj aktivuloj de la esperantista movado?
Se la temo interesas vin, vi estas tre bonvena al la diskutrondo!
La unua ĉi-jara kulturkunveno okazos la proksiman sabaton, la 26an de
aprilo en la sidejo de Esperanto-Asocio de San-Paŭlo, situanta ĉe la
strato Faustolo, 124 - kvartalo Lapa.